افكار شيقة لتعليم الاطفال

النهاردة جايبلكوا مجموعة افكار حلوة و شيقة نقدر نعلم بيها اولادنا بعيدا عن جو التعليم التقليدى

الفكرة الاولى
سجادة الارقام والحروف
ودى هتلاقوها فى معظم محلات لعب الاطفال
بتبقى الحروف  و الارقام فيها كبيرة  وبالوان جذابة جداااااااا .بتساعد الطفل انه يحفظهم بسهولة
  

دى ممكن نطبقها مع الاطفال الصغيرين من سن سنتين..هتساعدهم انهم يحفظوا شكل  الحروف و الارقام ..ممكن  تجيبها وتطلعى منها كل كام يوم حرف او رقم وتحفظيه للطفل  = الافضل ما تطلعيش الاقام و الحروف كلها مع بعض عشان الطفل يعرف يركز فيهم =   ممكن تبتدى بالارقام  تطلعى الرقم 1  وتقوليله على اسمه وتخليه قدامه فى الاوضه وكل شويه تساليه عن  اسم الرقم ده

وتفضلى كده لحد ما يحفظة تروحى داخلة على رقم 2 ولما يحفظه تبداى فى ال 3

ومع كل رقم جديد تراجعى معاه القديم ازاى ؟!!!!!

تحطى الارقام الى حفظها جنب بعض وقوليله فين 1؟ ولما يشاور عليه تصقفيله

ممكن كمان ايه؟ الاطفال كلهم بيحبوا النط قوليله "نط على ال 2" هتعجبه الللعبة اوووى وتلاقيه حفظ معاكى شكل الارقام ان شاء الله 

ولما تخلصى الارقام تدخلى على الحروف ولما يحفظهم كلهم باذن الله  ركبيهم كلهم قدامه على شكل سجادة حسب المساحة عندك او على شكل مكعب وكل شوية تساليه على اسماءهم

 

 

الفكرة التانية

تنفع للاطفال  فى سن المدرسة ..كل الى هتحاتجيه انك تجيبى   اكتر من فرخ من الفوم باكتر من لون وده بيتباع فى معظم المكتبات الكبرى ونفذى الافكار دى على حسب سن طفلك ودراسته

يارب تكون الافكار عجبتكم